Ostiralean Euskal Herriko kluben arteko txapelketako finalak jokatu ziren Mutrikuko Miruiaitz pilotalekuan, kadete eta jubenil mailan. Zumaiako Eduardo Aguirrek eta Julen Lopezek osatutako bikoteak Markinako Kepa eta Daneli 30-19 emaitzarekin irabazi zion. Ondorioz, kadete mailako txapelak erdietsi dituzte.
Larunbatean, Miarritzeko Plaza Berri frontoian Euskal Herriko txapelketak jokatu ziren. Benjamin A mailan, Zumaiako Gonzalo Aguirre-Ekaitz Galarraga bikoteak 25-23 emaitzarekin irabazi zion Bidarteko Kosta klubeko Andoni Echegaray eta Jon Echegaray pilotariek osatutako bikoteari.
Alebin B mailan, Ander Uretak eta Julen Mugerzak 35-33 emaitza berdindu batekin irabazi zuten beren partida. Kasu honetan ere Kosta klubeko bikote bat izan zuten aurkari, Benjamin Fort eta The Preuih-ek osatutakoa.