XX. mende hasieratik Alondegiko izkinan egon den irudia aurrez Donostiako portuan egon zen. 1900. urtean brontzesko irudia egin zuten Donostian eta harrizkoa Jose Maria Zubiaren oinordekoei eman zieten. Hauek Zumaiara ekarri zuten bustoa eta itsasoari begira, azken 115 urtean egon den lekuan jarri zuten.
Mariren bustoak sudurra hautsita du eta hori konpontzea izango da lanetako bat. Idulkiaren egoera ere aztertuko dute zaharberritze lanak egingo dituzten Rakel Nacentak eta Idoia Idigorasek. Behin konponduta, garbituta eta txukunduta, sanpedroetarako berriro bere lekuan jartzea aurreikusten da.