Ekimena Zumaiako eta Zarauzko ikastetxeak, bi udala eta Zarauzko Berritzegunea biltzen dituen Hezkidetza Foroaren baitan erabaki da. Horretarako, pankarta berezi bat ere diseinatu da ikastetxeetan gai hau lantzeko.
1990eko maiatzaren 17an, gaixotasun mentalen zerrendatik kendu zuen homosexualitatea Osasunaren Mundu Erakundeak. Hori izan zen lehen urratsa, sexu-joera eta identitatea onartuak izaten has zitezen, gizarteen berezko aniztasunaren baitako gisa. Ildo horretatik aldaketa eta aurrerapen ugari gertatu badira ere, transexual, lesbiana, gay, bisexual eta intersexualek —LGTBI ere deitu ohi zaien horiek— diskriminazioa, estigmatizatzea eta bortizkeria jasaten jarraitzen dute.