Auto gidariak udaltzainei azaldu dienez, mirotza errepidean zegoen eta bere aurretik zihoan autoak kolpatu egin du. Errepide bazterrean gelditu da hegaztia; autoan sartu eta Zumaiako Udaltzaingora ekartzea erabaki du. Kaiola batean daukate gordeta, eta itxuraz ez du zauri larririk. Aldundiko zerbitzuei eman diote abisua, jasotzera etor daitezen.
Oharra: mirotza delakoan gaude, baina aitortzen dugu ez garela adituak gaian. Norbaitek animalia eder honi buruzko azalpen gehiago eman badezake, eskertuko genuke. Denok ikasiko dugu.