Arratsaldeko 5etan atera dira patinatzaileak Txomin Agirre kaitik. Pulpo elkartearen parean kokatu da irteera eta helmuga. 14 kilometroko bidea egin behar izan dute kirolariek: moilatik Patxita Etxezarreta kalean sartu dira eta, saihesbidea hartuta, Beduara jaitsi; Oikia, Muniosoro, Xeyko industrigunea, Bedua eta Kantera gaina zeharkatu dituzte Zumaiara itzuli aurretik.
Gizonezkoetan irabazlea lasterketa atzetik aurrera egin duen Unai Perea tolosarra izan da, Irristaka taldekoa. Moilan espr¡ntean irabazi dio Andres de Regil (Basroller) galdakaokoari. Irabazlean 23:16 denbora egin du; bigarren sailkatuak, berriz, hiru segundo gehiago, 23:19. Hirugarrena Irristaka taldeko Josu Aldaz anoetarra izan da, 23:24 denborarekin.
Emakumezkoetan, Nagore Montes donostiarra izan da azkarrena (independentea), 26:23 denborarekin. Bigarren Pasaiako Amale Mujika izan da (Bera Bera patin eskola), 27:06 denborarekin eta hirugarren Aitziber Zubia (Donosti Roller) donostiarra, 28:57 denborarekin.
Zumaiarrei dagokionez, gizonezkoetan, Joseba Beobide 12.a izan da (25:58), Iñigo Berastegi 24. (29:00), Xabier Elizalde 31. (30:57), Mikel Elizalde 35. (31:58) eta Juan Luis Alberdi 68. (41:34).
Emakumezkoetan, Ana Egaña izan da azkarrena, 42. postuan (33:32). Ondoren, Arantzazu Etxeberria sailkatu da, 43. postuan (33:34), Maite Etxabe 72. (44:02) eta Goizane Laskibar (44:02).
