Arratsaldearekin jarraituta, 18:00etan haurrentzako Pac-man Dantz! festa izango da. Ordubete geroago, 19:00etan, herri kirolak izango dira honako partaideekin.
- Aizkolariak: Joxe Felix Zubizarreta, Xabier Orbegozo, Arria V.a, Donato Larretxea, Ernesto Ezpeleta 'Bihurri'.
- Aizkolari gazteak: Manex Zubizarreta (13 urte) eta Hodei Ezpeleta (16 urte).
- Harri jasotzaileak: Joseba eta Udane Ostolaza.
- Txinga eramailea: Xanta Souza (EHko txapelduna).
- Iparraldeko jokoak: Oskar Basatxu (EHko txapelduna) eta Laura Basatxu (16 urte, Bizkaiko txapelduna).
Aurretik, 18:30ean, Beti Jai Fanfarrearen kalejira hasiko da eta 19:00etan dultzaineroen kalejira hasiko da. 22:30ean, Amaiako plazan, diskoteka izango da Xaibor DJrekin, 23:00etan su artifizialak Valacea piroteknia etxearen eskutik, jarraian, Tolosako dultzaineroak kalejiran Arranplatik Eusebio Gurrutxaga plazara joango dira eta bertan dantzaldia izango da Zumaiako Musika Bandarekin.