Itsasoan igeri egiteko afizioa zabaltzen ari da zumaiarren artean. Urtetik urtera gero eta jende gehiago ari da prestatzen itsas zeharkaldietan parte hartzeko. Atzo, esate baterako, 33 izan ziren Getaria eta Zarautz artean jokatzen den proban. Ondarroan. Deban, Donostian edota Hondarribian antolatzen diren probetara ere joaten dira zumaiarrak.
Zaletasuna areagotzen ari dela ikusirik, Zumaian bertan proba antolatzea erabaki dute Taosa taldeko kideek. Abuztuaren 20an jokatuko da, Itzurunen hasi eta Arranplan amaitu. Bihar emango ditugu probari buruzko xehetasun gehiago, baina jakin ezazue izena emateko aukera zabalik dagoela kirolprobak.com webgunean.
Hemen ikus ditzakezue Getaria-Zarautz proban parte hartu duten zumaiarren sailkapena: Getaria-Zarautz 2016
Zumaiako proban izena emateko: Itzurun-Arranpla itsas zeharkaldia