Zumaian honako egunetan jokatuko dira estropadak: urriaren 29an, azaroaren 26an, abenduaren 21ean, urtarrilaren 21ean eta martxoaren 4an (Zumaia-Ondarroa cup); Getariakoak, aldiz, azaroaren 12an, abenduaren 10ean, urtarrilaren 7an, otsailaren 4an eta 18an eta martxoaren 18an jokatuko dira.
Parte-hartzaileek jokatutako estropadetako puntuazio txarrenak dituzten bi kendu ahal izango dituzte. Horretarako gutxienez sei estropada amaitu beharko dira. Bost estropada jokatu dituztenek bat kendu ahal izango dute eta bost baino gutxiago egin dituztenek ezingo dute estropadarik deskartatu.
Estropadak goizeko 11:00etan hasiko dira eta ontzi denak batera atera dira. Sailkapenak bi mailen arabera egingo dira: IRC eta Open. Txapelketaren irabazlea sailkapen bateratuko onena izango da. Izenak-emateko betetako formularioa bidali beharko da bela@clubnauticozumaia.com helbidera urriaren 28ko 20:00ak baino lehen.