Zumaiako emakumeak lanean

Garai hartako ideologia kontserbadoreak eta Eliza Katolikoaren pisuak emakumeari gizartean rol berriak hartzea eragozten zioten. Eremu pribatukoek bakarrik aitortzen zitzaizkion, hau da, emazte, ama eta etxekoandre izatea. Hala ere, emakume zumaiarrek zenbait talde sortu zituzten gizarteak utzitako zirrikitu batzuei helduta, eta jarduteko eremuak zabaltzeko borrokan aritu ziren.

Horregatik, bidezkoa da behar bezala aitortzea jendaurrean gehiago agertzeko eta gizartean zuten papera hobetzeko egin zuten lan hura. Beraz, erakusketa honen bitartez Zumaian berdintasunaren alde ezkutuan lan egin zuten emakume haiek guztiak omendu nahi ditugu.