Udako jardueretan izena emateko epea ekainaren 5ean zabalduko du Kirol Patronatuak

Udako kirol ikastaro eta jardueren eskaintza prest du Kirol Patronatuak. Ohi bezala, aukera anitza prestatu dute, adin tarte guztiei zuzendua: aerobika, pilates, igeriketa, zumba, patinak, bizikleta, tenisa, multi kirola, arrauna, piraguismoa, surfa... Diptiko honetan dauzkazue detaile guztiak. Izena emateko epea ekainaren 5ean zabalduko da, 9:00etan, Lubaki kiroldegian.