Hauxe emaitza, laburbilduta:
- Guztira 21 euskarri jaso ditugu: orri soilak, katalagoak, aldizkariak, egitarauak… Hiru hilabeteotan 61 lanegun izan dira; beraz, hiru egunean behin bat, gutxi gorabehera.
- Euskarri gehienak enpresa pribatuenak izan dira: 18; erakundeenak, berriz, 3.
- Zumaiako enpresek edo erakundeek egindakoak dira gehienak: 15 Zumaiakoak, eta 6 kanpokoak
- Hizkuntzari dagokionez, hauxe egoera:
- Gaztelania hutsean: 8. Horietatik, 5 Zumaiatik kanpokoak eta 3 Zumaiakoak.
- Azala euskaraz, baina edukia gaztelaniaz: 1, Zumaiatik kanpokoa.
- Ele bietan, euskaraz eta gaztelaniaz berdin: 3, denak Zumaiakoak, eta horietatik 1 erakunde batena.
- Ele bietan, euskara lehenetsita: 5, denak Zumaiakoak, eta horietatik 2 erakundeenak.
- Euskara hutsean: 3; horietatik, 2 komunikabideenak eta 1 elikagai-enpresa batena.
Ez dut ondoriorik aterako (baten bat animatzen?). Etxeko buzoian propaganda jasotzeak ez dit ilusio berezirik egiten, baina poz handia hartzen dut euskara hutsean denean.