Datorren uztailaren 2ean eta 5ean Tunisia eta Katarren aurka Espainiako selekzio absolutuak jokatuko duen lagunarteko bi partidetarako deitua izan da Ander Torriko gaztea. Hala, Odriozolak pasa den igandean egin zuen moduan, Torrikok ere selekzio absolutuarekin debuta egiteko aukera izango du.
Partida hauetarako, Torrikoz gain, beste hiru jokalari gipuzkoar deitu ditu Ribera selekzionatzaileak. Hain zuzen Garciandia urretxuarra, Ugarte irundarra eta Azkue oriotarra.
Ekainaren 29an elkartuko dira guztiak Madrilen, eta uztailaren 1a arte, Guadalajaran entrenatuko dute. Ondoren, Doharako bidea hartuko dute.
