Udara usaina zabaldu da herriko bazterretan konturatzerako, baina gaztetxea ez du ustekabean harrapatu. Azken hilabeteetan udara begira jarri dira, eta indarrak datozen hilabeteetan herriari hainbat jarduera eskaintzera bideratu dituzte.
Era askotako jarduerak izango dira, eta berrikuntza nagusi bat: ostegunero zabalik izango da gaztetxea! Egitarauan badira oraindik zulo batzuk, baina joango dira, pixkanaka, horiek estaltzen. Horretan lagundu nahi duen edonork hurrengo asanbladetan izango du horretarako aukera.