Artisauen eta elikagaien azoka egingo da bihar

Baleike 2017ko uzt. 1a, 09:40

Ohikoa baino zertxobait beranduago, baina bueltan da Artisauen eta elikagaien azoka. Bihar egingo da, Beheko Plazan, goizez eta arratsaldez: 11:00etatik 14:00etara eta 17:00etatik 20:00etara. 

30 postu inguru izango dira azoka honetan eta honako gaiak aurki ahal izango dira: bitxigintza, poltsak, egurra, larrua, zeramika, ukenduak, zilarra, arropak... Zumaiako afrikarrek postu bat izango dute beraien artisautza eta elikagaiak saltzeko. Elikagaien arloan, gazta, ogia eta pastela, txerrikiak, kontserbak edo txorizo egosi pintxoak izango dira.

Horrez gain, haurrentzako zenbait tailer ere izango dira, zeramika, zume eta landareena, hain zuzen ere. 

Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide