Udalekuak uztailak 17 astelehenean hasiko dira, eta aurretik informazio guztia emango die gurasoei aurten antolakuntzaz arduratuko den Sapere Aude Sinfoniettak. Antolatzaileek dagoeneko bizpahiru kontu aurreratu dituzte: haurrek arropa erosoa eramatea komeni da, norberak bere hamaiketakoa ekarri beharko du eta xirula (eskolatan erabiltzen dena) jotzen duten haurrek eraman dezatela udalekuetara.