Abuztuan etenaldia egin ondoren, azken txanpan sartu da Munduko Bodyboard Zirkuitua. Portugalgo Sintran ari dira lehiatzen egunotan, eta dagoeneko azken kanporaketak ari dira jokatzen. Bosgarren errondako kanporaketa gogorra izan da Alex Urangak, puntako hiru aurkarirekin: Amaury Laverhne, Uri Valadao eta Dave Hubbard. Alexek saio bikaina egin du eta bera izan da nagusi, 8.00 eta 7.25eko konbinazioarekin. Alexekin batera Uri Valadao sailkatu da final-laurdenetarako, 13.95eko puntuaketarekin.
Segidan jokatuko dituzte final-laurdenak.