Narrondo tradizio handiko industria gu- nea da. Bertako ibaiertzak burdinola eta errotak bezalako instalazio hidraulikoak ezartzeko leku paregabea izan ziren. Narrondoko industria tradizioak eta bertan zeuden azpiegiturak Zumaiako industrializazioaren pizgarri izan zi- ren. Inguruan kalitatezko zementu hidrauliko naturala ekoizteko beha- rrezkoak ziren lehengaiak aurkitzeak eta Zumaiako portuaren gertutasunak zementugintzaren sorreran lagundu zuten.
Narrondon ikusgai daude oraindik Gurruchaga López y Cía. enpresarena zen “La Zumayana” eta Esteban Aranguren y Cía.rena zen “San Jose” izene- ko zementu fabriken hondarrak. Zumaiarentzat hain garrantzitsua izan zen zementugintza sektorearen azken aztarnak dira hauek. Bi lantegiak ekoiz- penera zuzenduriko eraikuntzez eta etxebizitzez osaturiko multzo indus- trialak ziren; industrien inguruan sortzen zen egitura sozialaren erakusgarri garbiak.
Ibilbidea 10:30ean hasiko da, bihar, larunbata. Parte hartu nahi dutenak Narrondo tabernaren aurrean elkartuko dira.