Bi tokitan izango dira sarrerak salgai, Alondegiko Oxford aretoan eta Aitzuri frontoian. Salmenta 18:00etatik 19:30era bitartean, edo sarrerak agortu arte, egingo da bi lekuetan. Kultura Sailetik adierazi dutenez, sarrerak erdibana banatuko dira bi puntuetan eta pertsonako, gehienez, 4 sarrera erosteko aukera izango da. 6 euroan izango dira salgai.
Antolatzaileek gogora ekartzen dute antzezlan hau 7 urtetik gorako gaztetxoei begira eginda dagoela eta mesede bat eskatzen diete gurasoei zein helduei: "Haur txikiegiek eta jende helduak ez dezatela gaztetxoentzat aukera mugatu".