Mariren heriotzaren 150. urteurrena bete zen iaz, eta horren harira, Mari izeneko liburua idatzi dute Xabier Alberdik eta Jabier Carballok. Jose Maria Zubiaren biografia kontatzea da liburuaren helburua.
Hilaren 5ean Donostiako Untzi Museoan egin zen liburuaren aurkezpena, eta bihar, Zumaian egingo da; Mariren jaioterrian. Ekitaldia Alondegian izango da, 19:00etan, eta bertan izango dira bi idazleak. Liburua erosteko aukera ere izango da, 12 euroan Alondegia kultur etxean, Zumaiako turismo bulegoan eta Donostiako Untzi Museoan.
