511 langabeekin hasi zen 2017 urtea, eta hilabeteak aurrera joan ahala, langabezia tasak jaitsiera izan zuen; %8,95koa izatera pasa den irailaren amaieran. Azken hiruhilekoan, baina, gorantz egin du berriro eta %9,45ekoarekin amaitu da 2017. urtea. Guztira, 443 pertsona zeuden abenduaren 31n langabeen zerrenda.
Sexuari dagokionez, beti ere 2017ko abenduaren 31ko datuei so eginez, emakume gehiago dago langabeen zerrendan gizonezkoak baino: 266 emakume eta 177 gizonezko. Gizonezkoetan gehiago jaitsi da langabezia tasa (-%15,7), emakumezkoetan baino (-%11,6).
Lan eskatzaileen adina kontutan hartuta, adin tarte guztietan izan da jaitsiera, 35-44 urteko artekoetan izan ezik:
- 25 urte baino gutxiagokoak: 19 (-%5).
- 25-34 urte: 87 (-%25,6).
- 35-44 urte: 139 (+%4,5).
- 44 urte baino gehiago: 198 (-%17,8).
Eskualdeko datuekin alderatuta, langabezia tasa handiago du Zumaiak Urola Kostakoak baino: %9,45 Zumaian, %8,42 eskualdean. Gipuzkoako tasa zertxobait handiagoa (%9,94) eta dezente handiagoa Euskal Autonomia Erkidegokoa: %12,11.