Gaurko eta biharko abisu horia eman dute olatuengatik

baleike 2018ko otsailaren 1a

Azken egunetako barealdia amaitu da, eta egun hauetan Kantauri itsasoara etorriko den denboraleagatik abisu horia ezarri da datozen orduetarako. Hala, gaur, 16:00etatik 19:00etara izango da abisua abian, itsasgorarekin (17:29ean izango da) batera. 3.5-4 metroko olatuak espero dira, 14 segundoan behin.

Itsasaldeko arriskuagatik nabigazioan ere protokoloa ezarri da gaurko. Hori dela eta, abisu horia egongo da 15:00etatik 00:00etara.

Biharko egoera ez da hobeagoa izango. Nabigazioko abisu horiak goizeko 09:00ak arte jarraituko du, eta kostaldean, berriz, eguneko bi itsasgorekin batera jarriko da martxan abisu horia. Hala, 04:00etatik 08:00etara, (itsasgora 05:46ean izango da), 3.5 metroko olatuak espero dira, 14 segundoan behin. Arratsaldeko itsasgoran, aldiz, abisu horia 17:00etatik 19:00etara jarriko da, (itsasgora 18:12ean izango da), eta olatuen tamaina 2.5 metrotakoa, 13 segunduan behin.

Gizartea Zumaia

Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.

Izan Gukakide