Euskalmetek izotzagatik abisu horia ezarri zuen gaur goizerako, eta pronostikoa bete da, izan ere, 0 gradu azpitik esnatu da eguna gaur Zumaian. Biharko, alerta laranja jarri du elurragatik, hain zuzen, kostaldera ere iristeko aukera baitago.
Agentzia metereologikoaren arabera, biharko egunaren lehen partean maila baxuetan egingo du elurra. Goizaldean hegoaldetik fronte beroa sartuko da baina tenperatura oso baxuak izango direnez, prezipitazioa elur moduan egingo du. Alerta hori 03:00etatik 12:00etara aurreikusita dago. Bestalde, haizeagatik ere abisu horia ezarri da Gipuzkoan eta Araban, 06:00etatik 22:00etara.
Azken elurtea abenduaren 1ean izan zen Zumaian.
