Lanak eginda, atzo egun librea izan zuten gazteek. Asko erosketak egiten aritu ziren, etxera zerbait ekartzeko asmotan. Arratsalde partean, bederatzi egun hauetan beraien familiak izan direnekin egoteko tartea izan zuten, denbora honetan bizitakoa elkarbanatzeko eta agurtzen hasteko.
Gaur eguerdian aterako dira kanpalekuetatik Tindufeko aireportura bidean. Han izango dute zain etxera ekarriko dituen hegazkina. Aste luze honetan ikusi, sentitu, bizi izan dutenaz pentsatzeko txanda izango dute orain gazteek.