Hasteko, gaur, 19:30ean, eskuz binakako partida jokatuko dute Zumaiako eta Gazteleku 2ko pilotariek. Bigarren urteko alebin mailako partida izango da hau.
Bihar 16:00etan hasiko dira partidak, zesta puntakoak. Hasteko, kinielak jokatuko dira, jarraian San Pedro txapelketako partida, eta, amaitzeko, jubenil mailako banako partida Aguirre eta Lopezen artean.
Herriartekoa
Bestalde, gaur, 18:30etik aurrera, Gipuzkoako Herriarteko txapelketako laugarren jardunaldia izango dute Zumaiako pilotariek. Mutrikun jokatuko dute, bertako pilotarien aurka.