Hala iragarri du Jai Alive enpresak sare sozialen bidez. Lopezek enpresa honekin sinatu du eta, ondorioz, Euskal Herrian izango da udako txapelketak jokatzen. "Harro gaude munduko atzelaririk onena gurekin izango delako" adierazi du Alejandro Ituartek, Jai Alive-ek Mexikon duen ordezkariak. "Bere urtea" izango dela hitza eman du Lopezek.
Aurreko udan ere Euskal Herrian izan zen atzelari zumaiarra eta denboraldi galanta gauzatu zuen. Neguko eta udaberriko sasoiak, berriz, Mexiko Hiriko frontoian egin ditu.
