Donostia izango du bihar aurkari Zumaiak Herriartekoan, eta jarraian lortutako bosgarren garaipena lortzea izango dute zumaiarrek helburua. Orain arte jokatutako lau jardunaldietan irabazi du Zumaiak.
Aitzuriko programazioari dagokionez, gaur izango da pilota jarduera frontoi honetan. Hasteko, Gipuzkoa mailan, alebinen eskuzko partida jokatuko dute Zumaiak eta Lapke-1ek. Bigarren faseko partida izango da, eta 19:15ean jokatuko da. Jarraian, San Pedro txapelketako zesta punta partida jokatuko da.
Esku pilota txapelketa herrikoia
Esku pilota txapelketa herrikoiko bigarren ligaxkako azkenaurreko jardunaldia jokatuko da. Partidak 18:00etan hasiko dira, eguraldi ona bada Odietan, eta txarrarekin Herri Eskolako frontoian. Hiru partida hauek jokatuko dira:
AIZPURUA-ASTIGARRAGA / ANTIA-AGIRRE
OIARZABAL-MENDIZABAL / GARCIA-ODRIOZOLA
ODRIOZOLA-MARTIJA / TUMAS-ETXABE