Iñigo Peñak eta Francisco Cubelosek osatzen duen K2ak Europako txapelketako 1.000 metroko finala jokatuko du bihar goizean. Finalera sartzea izan da hasieratik bikote honen helburua. Peñak Basque Team-i kontatu dionez, "gure nahia dominen lehian sartzea da, eta ahal izanez gero bat lortzea".
Hala eta guztiz ere, Peña eta Cubelosen helbururik garrantzitsuena lehen lauetan bukatzea da. "Horrela, abuztuan jokatuko den Munduko txapelketarako txartela lortuko dugu zuzenean. Bestela hautaprobak izango ditugu, eta bihar txartela lortuz gero, lasaitasun handiagoarekin prestatuko genuke Munduko txapelketa", kontatu du.