Mikel Biainen aldeko meza egingo da igandean

Baleike 2018ko ekainaren 28a

Igande honetan, uztailaren 1ean, Jose Ignacio Munilla gotzaina batzarburu dela, Zumaiako eliztarrak parrokian bilduko dira Meza Nagusian Zumaiako parroko izan den Mikel Bianen alde otoitz egitera. Jakina den bezala, Biain ekainaren 21ean zendu zen Nafarroan auto istripu batean. 43 urte zituen.

Igandeko elizkizunean Beheko Plaza eta San Pedro abesbatzetako abeslariek parte hartuko dute denek batera abestuaz. Maria Carmen Azpeitia izango da organo-jolea eta Agustin Zubimendi arduratuko da zuzendari lanetaz.

Honako lanak entzun ahal izango dira:

AINTZA ZERUETAN (4 a.n.) Asentxio Elustondo
GUZTIZ EDERRA (4 a.n.) Gotzon Aulestia
SANTU, SANTU (4 a.n.) Gotzon Aulestia
BAKEA (4 a.n.) Gandiaga – Pikabea
KRISTO APAIZA (4 a.n.) Hitzak eta harmonizazioa: Asentxio Elustondo
POZ ABESTIA (4 a.n.) Musika: Haendel, Hitzak: Asentxio Elustondo

Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide