Prozesioa eta Bandaren kontzertua San Pedro eguneko goizean

Bero galanta izan da gaur goizean San Pedro eguneko lehen ordutan. Tolosako dultzaineroen dianarekin esnatu da eguna. Ordu batzuk geroago, eta alkate soinuaren ondoren, santuaren irudia atera dute prozesioan alde zaharreko kaleetan zehar. Eguerdian Zumaiako Udal Musika Bandaren kontzertua izan da Beheko Plazan. Pasodobleez gain, Braveheart edo Pirates of the Caribbean pelikuletako musikak ere jo ditu Joxe Mari Azkuek zuzendutako taldeak.