Goizeko 8:00etan abiatuko dira Saturrarandik eta lehen egunean Oriora arteko igeriketa saioa egingo dute. Zumaiako Itzurundik eguerdiko 11:50ean pasako direla aurreikusten da. Han Taosa igeriketa taldeko lagunek egingo dute bat zeharkaldiarekin, eta Santiagoko hondartzara arte lagunduko diote. Santiagotik 12:20ak aldera pasako direla pentsatzen dute.
Uztailaren 8an, igandean, egingo dute zeharkaldiko bigarren zatia, Oriotik Hondarribiara bitartekoa. Goizeko 7:00etan aterako dira igandean eta Hondarribiara 17:15 aldera heltzea aurreikusten dute. Han ongi etorriko festa eta kontzertuak izango dituzte.
