Hasteko, Iparraldeko jokoen txanda izan da eta Aretxabaletak 65 kiloko fardela 7 metroko altuerara hamar aldiz igo du minutu bateko denboran.
Harri jasotze lanetan aritu dira ondoren Joseba eta Udane Ostolaza aita-alabak, eta Lur eta Haize Carretero haur zumaiarrak.
Aizkolarien lana ere izan da gaurkoan: Donato Larretxea eta Bihurri batetik, eta Arria V.a eta Alex Txikon bestetik. Aizkolari gazteek ere izan dute bere txanda, Arria VI.ak eta Hodei Ezpeletak, hain zuzen ere.