'La revolución silenciosa' eta 'Hotel Transilvania 3', asteburuan Aita Marin

Baleike

Asteburu luze honetan bi pelikula emango dira Aita Mari zinean: helduek La revolución silenciosa pelikula alemaniarra ikusi ahal izango dute, eta haurrek marrazki bizidunen Hotel Transylvania 3. 

La revolución silenciosa 1956ko Berlinen kokatzen da. Bost urte falta dira harresia eraikitzeko. Alemaniar ikasle talde batek Hungariako Iraultzan hildako biktimekiko elkartasuna adieraztea erabakiko du: horretarako, minutu bateko isilunea egingo dute klasean. Elkartasun keinua altxamendu moduan ulertuko dute, ordea, eta arazoak eragingo ditu.

Pelikula hau honako ordutegian emango da: ostiralean 22:15ean, larunbatean 19:30ean eta 22:15ean, eta igandean eta asteartean 19:30ean. 

Hotel Transylvania 3n Munstro familia luxuzko itsas bidaia bat egitera doa. Azkenean, Dracek hoteleko lana aldi baterako ahaztuko du. Opor lasaiak izango dira, hasieran, baina amesgaizto bihurtuko dira: Mavis, Dracen alaba, ohartuko da aita, ontziko kapitainarekin maitemindu dela. Hark, sekretu arriskutsu bat gordetzen du.

Ordutegia: larunbatean, igandean, astelehenean eta asteartean 17:00etan.

Gaurko ametsak biharko albiste izan daitezen, beharrezkoa dugu zure babesa.


Egin bazkide