Katapulta plataformari esker jo du Voltaiak Jazzaldian, Alderdi Ederren, udaletxe aurrean kokatutako Skoda gunean. Jazzetik soulerako bidaia eskaintzen zuen agertokian rock eztanda protagonizatu du Unai Eizagirrek, Jon Brakamontek eta Pablo Sanchezek osatutako hirukoteak. Erortzen diskoa aurkezten izan dira. Kontzertua diskoko lehen bi abestiekin hasi dute, Erortzen eta Elkartu izenekoak. Aurreko diskoetako abestiak ere erori dira ia ordubete iraun duen kontzertuan.
Entzule batzuk lehen abestirako, edo danbor baxuaren lehen astindurako alde egin dute, baina joan diren bakoitzeko beste bi inguratu dira. Bideo honetan kontzertuko pasarte bat entzun dezakezue, Elkartu abestia jo dutenekoa.