Irailaren 15ean ospatuko da Olarro Eguna, eta ohi bezala, gaztetxoen arteko estropada izango da goizean. Datorren larunbatean zabalduko dute kirol proban izena emateko epea, eta Turismo Bulegora jo beharko dute interesdunek, hilaren 12a bitarte.
Parte hartzaileen zerrenda osatu ondoren, estropada txanda eta batela zozketatuko dituzte irailaren 13an. Turismo Bulegoan bertan izango da, 19:30ean, eta ezinbestekoa izango da gutxienez talde bakoitzeko ordezkari bat bertan egotea.
Urtero udalak estropaden entrenamenduetarako ahalbidetzen duen batela erabiltzeko aukera izango da. Ostiraletik aurrera eskatu ahal izango dute beren txanda erabiltzaileek, eta irailaren 1etik 14ra bitartean egin ahal izango dituzte entrenamenduak.