Azken uneko ezustekorik ez bada, behintzat, finalaurrekoetan irabazle izan ziren zortzi pilotariak izango dira gaur txapelaren lehian. Norgehiagokak hauek izango dira:
Jubeniletan: Julen Alberdi-Gartzia / U. Alberdi-Ibarloza.
23 urtez azpikoan: Salaberria-Otaduy / Lerena-Bikuña.
Gaur egun maila hauetan ikus daitezkeen partida onentsuenekin gozatzeko esperantzarekin hurreratuko dira gaur pilotazaleak Aitzurira.
Sari banaketa ekitaldian, eta aurreko urteotan egin bezala, Zumaiako pilotari ohi talde bat ere omenduko du Zumaiako Kirol Elkarteak, txapelketa honen antolatzaileak. Gaur omenaldia eta bertaratutakoen txaloak jasoko dituzten pilotari ohiak Telmo Lisbona Txapartegi, Julian Berastegi Goikoetxea, Jose Antonio Aizpurua Irureta, Angel Goikoetxea Elustondo, Andres Hernandez Martin eta Jose Mari Azkue Osa izango dira.