Etxeko partidekin hasita, larunbatean Zumaiakoren eta Debako Amaikak Baten gizonezkoen ohorezko jubenil taldeak neurtuko dira, 9:30ean, Aita Marin. 11:45ean, gizonezkoen ohorezko kadeteen triangularra jokatuko dute Zumaiakok, Anaitasunak eta Elgoibarrek.
Arratsaldean beste bi partida jokatuko dira: 16:00etan, Zumaiakoren eta Zarautzen gizonezkoen lehen mailako kadeteek jokatuko dute. 18:00etan, berriz, emakumezkoen erregional mailako Zumaiako eta Mariño izango dira nor baino nor.
Beste bi talde etxetik kanpo arituko dira, larunbatean hauek ere. Emakumezkoen ohorezko kadete taldea Azkoitian izango da Anaitasunaren aurkako partida jokatzen (11:00etan). Preferenteko gizonezkoen taldeak, berriz, triangularra jokatuko du Ermuako Teodori Zuazua futbol zelaian (17:00etan) Ondarroako Aurrera eta Ermuarekin batera.