Jai Alai World Tourreko txapelketa honetako bigarren finalaurrekoa jokatu zen atzo Aitzuri frontoian. Goikoetxea eta Irastorza alde batetik, eta Olharan eta Etxeto bestetik. Partida berdindu batean nagusitu ziren atzo gorriz jokatu zuten Goikoetxea eta Irastorza. Bi setetan erabaki zen norgehiagoka: lehenengoa 15-14 emaitzarekin amaitu zen, eta 15-12rekin bigarrena.
Finalean Mikel Egiguren eta Imanol Lopez, lehenengo finalaurreko irabazleak, izango dituzte zain. Zesta punta jaialdi hau bihar jokatuko da Aitzurin, 18:00etan hasita. Zumaia Masters Serieseko txapela izango da jokoan.
Sarrerak 10 euroan daude salgai turismo bulegoan, Aitzuri frontoiko tabernan eta Lubaki kiroldegian. Agortzen ez badira, behintzat, partidako egunean frontoiko leihatilan ere salgai izango dira.