Olarro Eguneko herri bazkarirako txartelak salgai daude jada

Baleike 2018ko irailaren 7a

Datorren larunbatean Olarro Eguna izango da Zumaian. Kulturari, kirolari eta, nola ez, gastronomiari lotutako makina bat ekitaldi izango dira egun osoan zehar herrian. 

Ekitaldi horien artean herri bazkaria egingo da. 14:30ean izango da eta txartelak jada salgai daude turismo bulegoan. Helduen txartelak 8 euroan izango dira salgai, eta haurrena 5 euroan. Horiez gain, Olarro Eguneko zapiak (euro bat) eta kamisetak (8 euro) ere salgai izango dira. 

Hemen duzue aurtengo Olarro Eguneko egitaraua:

  • Goiz partean XIV. ARGAZKI RALLYA. Izen-ematea Alondegiko Oxford aretoan 09:00etatik 10:00etara.
  • 10:30etik 14:30era Erribera kalean, ELIKAGAIEN AZOKA.
  • 10:30ean kuadrillen arteko batel estropada, OLARRO EGUNEKO XII. BANDERA, Telmo Deun arraun elkarteak antolatuta.
  • 10:30ean hasita HAUR ETA GAZTETXOENTZAT JOLASAK, Itxas-Gain elkarteak antolatuta. Arranpla parean, piraguak eta uretako jolasak, eta Gernika parkean, zinta harrapatzea bizikletan, eltzetxoak puskatzea, etab.
  • Ordu berean herriko txistularien KALEJIRA eta PLAZA DANTZAK Astindu taldearekin.
  • 11:00etatik 13:00etara, Eusebio Gurrutxaga plazan, olagarroarekin egindako SUKALDARITZA ERAKUSTALDIA.
  • Goiz partean, OLAGARRO ZOPA etaBROTXETAK txosnetan.
  • 11.00etan, Flyscheko olagarroaBISITA GIDATUA. Erreserbak: www.geoparkea.eus.
  • 11:00etatik 13:00etara, Algorri interpretazio zentroan 6-12 urte bitarteko haurrentzat doako TAILERRAK.
  • 11:00etatik 14:00etara ATEA ZABALIK Kofradian,ARRAINEN SALMENTA ARETOAikusteko.
  • 11:15ean HAMAIKETAKOA Pulpo elkartean olagarro-harrapatzaile izandakoentzat.
  • 12:00etan Beheko Plaza eta Igeldoko Lezkarri ABESBATZEN SAIOAK herrian zehar.
  • 12:30ean KALEJIRA Zutrik trikitilarien eskutik.
  • 14:30ean HERRI BAZKARIA, Eusebio Gurrutxaga plazan. Bazkalostean, DJXaxmarekin dantza saioa.
  • 17:00etatik 19:00etara ATEA ZABALIK Kofradian, ARRAINEN SALMENTA ARETOAikusteko.
  • Arratsaldez, OLAGARRO BROTXETAK txosnetan.
  • 18:00etan Argazki Rallyko PROIEKZIOA eta SARI BANAKETA Alondegiko Oxfordaretoan.
  • 19:30ean 1984 eta 1987 urteetan Kontxako bandera irabazi zuten arraunlariei OMENALDIA, Kofradian. Jon Maiaren BERTSOAK. Bertan emango zaie Olarro eguneko XII. bandera batel estropadako irabazleei.
  • Jarraian, Kofradian Orots taldearen lehen MUSIKA SAIOA.
  • 22:00etan DJ Goiko eta DJ Uranga Eusebio Gurrutxaga plazako karpan.
  • 22.30ean Kofradian ERROMERIA Orots taldearekin.

Zumaia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide