Euskaraldia zer izango den azaldu zuten atzo umorez betetako bakarrizketa batean

Gainean dugu jada. Azaroaren 23an hasi eta abenduaren 3ra bitartean Euskaraldia egingo da Euskal Herri mailan, eta baita Zumaian ere. Baina, zer da Euskaraldia? Horren berri eman zuen Beatriz Egizabal clown eta antzerkilariak Ttak! bakarrizketan, atzo, Alondegian. Umorez betetako saioa izan zen ahobizien eta belarripresten gozamenerako.