Gaur hasi dira Beheko plazako jolas parkea muntatzeko lanak, eta eguraldia aldeko badago, aste honetan bertan zabaltzeko asmoa du Zumaiako Udalak.
Lan honen egikaritza 2018ko aurrekontuetan jaso zen, eta 29.061,94 eurotan (BEZ barne) esleitu zitzaizkien Artepolitan eta Urbabil enpresei. Jolas parkean koloretako segurtasunezko lurra eta hainbat jolas elementu jarriko dira: hiru zabu mota desberdin dituen bat, txirrista eta eskalatzeko sokak dituen beste bat eta bueltaka ibiltzeko azken bat.
