Esparru sozioekonomikoan euskararen presentziaren, erabileraren eta hizkuntza kudeaketaren normalizazio maila egiaztatzen eta aitortzen duten Bikain ziurtagiriak banatu zituen atzo Eusko Jaurlaritzak Gasteizko Europa Biltzar Etxean. Ziurtagirien hamargarren edizio honetan 20 erakundek eta enpresak jaso dute bereizgarria. Zumaiako GKN Driveline enpresak zilarrezkoa eskuratu du, eta Zestoako Udalak eta Abelurrek goi mailakoa.
Eusko Jaurlaritzako Hizkuntza Politika Sailburuordetzak (HPS) banatu zituen sariak.
