Azpeitian eta Donostian ez ezik, Zumaiako Alai auzategian ere ospatuko da bihar San Tomas eguna. Hala, 12:00etatik 15:00etara, musikaz lagunduta, txistorra jateko aukera izango da horretarako jarriko den txosnan.
Arratsaldeko bostetan, berriz, Potxin eta Patxin pailazoen emanaldia egongo da. 18:00etan, aldiz, trikitilariek auzoa alaituko dute beraien doinuekin, eta amaitzeko, 'A santo de que' taldearen kontzertua izango da, 20:00etan hasita.