Algorriko labarren irudi bat aukeratu dute, besteak beste, Euskadiko turismo eskaintza iragartzeko. Goizean izan da irekiera eta, argazkian ikus daitekeen bezala, bertan izan da Euskal Kostaldeko Geoparkeko ordezkaritza, bere lehendakari den Oier Korta Zumaiako alkatea buru dutela. Bertan izan dira, baita ere, Alfredo Retortillo, Turismo, Merkataritza eta Kontsumoko sailburua, eta Denis Itxaso, Kultura, Turismo, Gazteria eta Kirol diputatua.
Ekitaldiak ere izango dira arratsaldean zehar. Hala, 15:00etan eta geoparkeen standean, Espainiako hamabi geoparkeen arteko topaketa bat egingo da. 17:00etan, berriz, eta Euskadiko standean, esperientzia geoturistikoen inguruko aldizkari berria aurkeztuko dute.
