Itziarko XI. Erromeria Eguna maiatzaren 4ean ospatuko da. Andutz Kultur Taldeak eta Itziarko Auzo Udalak antolatuta; hamaikagarren edizioa izango du Erromeria Egunak eta aurreko urteetan izandako arrakasta ikusita, ekimenez beteriko eguna antolatu dute itziartarrek.
Eguerdiko 14.30ean herri bazkaria izango da frontoian; eta bazkaritarako txartelak maiatzaren 1rako erosi beharko dira Itziarko ohiko saltokietan (Burugorri Ostatuan, Gure- Dendan eta Itziar Hostala Jatetxean). Ondoren, 18:00tan erromeria izango da plazan; bertaratu diren musikari guztien eskutik.
Egunari amaiera emateko, 21:30ean Burugorri Ostatuan Erromeria-afaria antolatu da trikitilariekin soilik, eta inguratzen den edonork bere trikitixa ekarri eta “librian” jotzeko aukera izango du.
Izan Gukakide