Hondarribiako uretan jokatu da Gipuzkoako trainerilla txapelketako sailkatze estropada. Goizeko 11:00etan hasita, erlojuaren aurka binaka irten dira trainerillak. Bertan izan dira Telmo Deun arraun elkarteko bi ontzi; gizonezkoena bata, eta emakumezkoena bestea.
Seigarren postuan sailkatu dira biak: emakumezkoen ontzia Hondarribiakoaren atzetik, 16 minutu eta 39 segundoko denbora eginda; eta gizonezkoena San Juanen atzetik, 14 minutu eta 42 segundoan proba osatuta. Beraz, Zumaiak ez du ordezkaritzarik izango bihar jokatuko den finalean.