Xabier Aranzabal 22 urteko zumaiar gazteak maila handiko txapelketa irabazi du, 9 partidetatik 7,5 puntu lortuta. Asko hobetzen ari den mutila da, eta etorkizun oparoa izango du xake munduan.
Umetan, berriz, 9 urteko Oier Sarasketak eraman du 14 urtez azpiko txapelketa, partida guztiak irabaziz. Eñaut Goñi zumaiarrak ere txapelketa txukuna egin du, 3 partida bereganatuz.
Bestalde, larunbatean, Irungo I. xake Jaialdia jokatu zen. Bi zumaiar izan ziren 16 urtez azpiko txapelketan: Ekain Garcia hirugarren izan zen bere mailan, eta Oier Sarasketa laugarren.