Konturatzerako Gabonak iritsiko dira, eta hori dela eta, Udaleko Kultura Sailak egun berezi horietan egiten diren ekintzak antolatzeko bilera deitu du datorren astearterako.
Bilera irekia da talde, elkarte edo jai hauetan lankidetza eskaini nahi duen guztientzat eta Alondegian egingo da, 19:00etan. Hala ere, bilerara etorri ezin eta proposamenak aurkeztu nahi dutenek aurrez jarri daitezke harremanetan Alondegia kultur etxeko bulegoarekin 943 86 10 56 telefonoan edo kultura@zumaia.eus posta elektronikoan.