Hala adierazi du Zumaiako Odol Emaileen Elkarteak. "Kontuan hartuta bizitzen ari garen ezohiko egoera eta arriskurik izan ez dezagun, emanaldiaren antolaketa aldatu egin dugu eta aurrez hitzordua eman zaien pertsonak bakarrik ahalko dute eman odola", eman du jakitera.
Arratsaldean aritu dira aurrez izena emanda zutenei telefonoz deika. "Ezingo dugu inor hartu ez badu lehendik gure deia jaso. Beraz, odol emaile guztiei abisatu nahi diegu ez alferrik etortzeko inork eta jende pilaketak ez sortzeko".
"Betiko lekuan egingo da eta etorri behar dutenek badakite ze ordutan duten hitzordua", gaineratu du. Eskerrak ere eman nahi izan diete odol emaile guztiei, "etortzen direnei eta ez direnei ere".