Eguerdiko 14:15ak aldera jaso dute abisua larrialdi zerbitzuek: Basadi auzoko etxebizitza bateko sukaldeak su hartu du. Suhiltzaileak Basadira iritsi direnerako, etxearen jabeak kontrolpean zuen sua, eta berehala lortu dute itzaltzea. Hala eta guztiz, segurtasun neurriak tarteko, ertzaintzak hutsarazi egin du sei solairuko eraikina. Bizilagunak txandaka itzuli dira ondoren beren etxebizitzetara.
Ertzaintzak jakinarazitakoaren arabera, hainbat bizilagun arin zauritu dira eta anbulantzian artatu behar izan dituzte batzuk. Horrez gain, bi pertsona anbulategira eraman dituzte kea arnasteagatik, hain zuzen ere, etxebizitzako jabea eta 75 urteko bizilagun bat.