San Juan adinekoen egoitzako egoiliarrek eremuko berdeguneak segurtasunez erabil ditzaten, gune horretarako sarbideak itxi ditu Udalak, egoitzako zuzendaritzarekin batera adostu ondoren. Egoiliarrek berdegunean segurtasun eta prebentzio neurriak betez paseatu ahal izateko helburuz hartu dute erabakia.
Ubillosera doan aldapa, San Juan egoitzako aldapa, San Jose kaleko 11. atari pareko sarbidea eta igogailuaren zubitik San Juan egoitzara doan sarrera itxita daude pasa den astetik.